LANSOPRAZOL (LANSOPRAZOLE)
ÜST-ün əsas dərman vasitələrinin (ƏDV) siyahısına daxil deyil
Təsir mexanizmi və istifadəsində göstərişlər:
- Bax. Omeprazol. Lansoprazol uzunmüddətli farmakoloji təsirə malikdir və 24 saat ərzində turşuluğu nəzarət altında saxlayır.
İstifadəsinə göstərişlər:
- Mədə və 12-barmaq bağırsağın xorası;
- Reflüks-ezofagit;
- Helicobacter pylori törədicisinin eradikasiyası (kompleks müalicəsində);
- Zollinger - Ellison sindromu;
- Mədənin QSİƏDV qəbulu ilə bağlı eroziv zədələnmələri, stress nəticəsində yaranmış xoralar.
Doza rejimləri:
Gündə 1 dəfə daxilə qəbul edilir. Antisekretor effekti əldə etmək üçün lansoprazolu səhər yeməkdən əvvəl qəbul etmək lazımdır. Kapsullar bütöv udulmalıdır.
Onikibarmaq bağırsağın xorası:
- 1 kapsul gündə bir dəfə, 4 həftə ərzində;
Reflüks-ezofagit:
- 1 kapsul gündə bir dəfə, 4-8 həftə ərzində;
Mədə xorası:
- 1 kapsul gündə 1 dəfə, 8 həftə ərzində;
Zollinger-Ellison sindromu:
- gündə 2 kapsul olmaqla kliniki simptomların aradan götürülməsinə qədər təyin edilir.
Dozadan artıq istifadəsi haqqında məlumat yoxdur, lakin lansoprazolun gün ərzində 120 mq–dan artıq istifadə edilməsinin əhəmiyyəti yoxdur.
Əlavə təsirləri:
- Nadir hallarda dərman qəbulu zamanı başağrısı;
- Dispepsiya, ürəkbulanma, ağızın quruması, diareya, qarın nahiyəsində ağrı;
- Səpgilər;
- Bəzi hallarda artralgiya;
- Periferik ödem;
- Trombositopeniya, eozinofiliya, leykopeniya.
Əks göstərişlər:
Preparatın tərkibindəki maddələrə qarşı hiperhəssaslıq.
Xüsusi göstərişlər:
- Antasidlər və sukralfat lansoprazolun sorulmasını azaltdığından, həmin preparatlar lansoprazoldan 2 saat sonra qəbul edilməlidir.Yaşlılarda tətbiqi zamanı doza korreksiyası tələb olunmur. 30 mq təşkil edən gündəlik dozada gündə bir dəfə təyin olunur.
- Lansoprazolun uşaqlarda istifadəsi ilə bağlı təcrübələr yoxdur. Böyrək funksiyalarının pozğunluğu olan xəstələrdə dozanın korreksiyasına ehtiyac yoxdur.
- Qaraciyər funksiyalarının pozulmaları olan xəstələrdə lansoprazolun metabolizm dövrü bir qədər arta bilər.
